Ua palota le Pulega a le Aai o Ueligitone poo le Wellington City Council e ioeina le faaliliuina o le eleele i luma mai o le sami, waterfront land aga’i i le Fale Malae Trust mo se nofoaga fou mo le Pasefika, le Waterfront Pasifika Cultural Centre.
Fai mai o le faamoemoe o le Trust ina ia faalauiloa ma faasoa le tala’aga o tu ma aga Pasefika i Aotearoa.
E 16 sui o le Council na palota e lagolago lea faai’uga ae to’atasi sa tetee, o lona uiga la o le a faaaogā lea fanua i se lisi umi e faaaogā ai.
Saunoa ai se tasi o sui o le Trust, Luamanuvao Dame Winnie Laban i le RNZ, e tāua tele le palota sa faia ona sa faatali iai galuega fai se’ia maua le ioega mai le Council.
Fai mai Luamanuvao o le tau aofa’i atoa o le galuega mo le cultural centre e lē taumate e lata i le 40 miliona ma o le a fesoota’i foi ma a latou paaga mo le sa’iliga o fesoasoani e faamae’a ai sea galuega tele mo le Pasefika i Ueligitone.
Puna o Faamatalaga: https://www.rnz.co.nz/international/pacific-news/574421/wellington-city-council-approves-waterfront-land-lease-for-pasifika-cultural-centre
