O le asō ua faimalaga ai le Sui Palemia o Niu Sila, Winston Peters i Niu Kaletonia e faia talanoaga ma le minisita mai Farani o Manuel Valls lea na taunuu ane foi i Niu Kaletonia i le vaiaso nei.
E ui i le feteena’iga i le mataupu pe ua talafeagai ona faatuto’atasi Niu Kaletonia mai ia Farani, ae o loo iai le faamoemoega o ia talanoaga o le a manino ai le aga’i i luma o le atunuu.
Na ta’ua e Peters i le lipoti a le RNZ, o lana malaga e mo le faataunuuina o tiute o Niu Sila o se paaga e lē gata ia Niu Kaletonia ae o Farani foi, ma ua fuafua foi o le a feiloa’i atu i le Peresetene o Niu Kaletonia o Adeide Ponga.
O le faamatalaga mai le minisita o Farani na malaga ane i Niu Kaletonia ua ta’ua ai, o le a nofo ai pea i le atumotu se’ia maua se tonu o lenei mataupu.
Puna o Faamatalaga: https://www.rnz.co.nz/international/pacific-news/559567/winston-peters-to-meet-french-minister-in-new-caledonia-this-week
