O le faamavaega a le Palemia fou o Farani i le vaiaso nei ua alia’e ai ma se lagona lē mautonu i le teritori o Farani i le Pasefika, o Niu Kaletonia.
Faailoa i lipoti a le ABC Pacific se faamatalaga mai lē sa avea ma Konesula o Ausetalia i Niu Kaletonia, Denise Fisher e faapea, o le nunumi o faiga faapolokiki i Farani ua atili tuuina ai se tulaga lē mautonu i le teritori a o sauni ai foi mo a latou faigāpalota faaitumalo i le masina fou.
Faailoa e Fisher o le tolopo ma le toe fetuuna’i soo o fuafuaga fai i le atunuu e tāua tele aemaise i le Bougainville agreement.
O le fuafuaga lea sa malilie iai e tuuina ai ia Niu Kaletonia avanoa faaopoopo e pulea ai e latou i latou lava.
O lea maliega sa auautasi iai i latou e lagolago i se tuto’atasi o Niu Kaletonia faapea isi kulupu sa talanoa i Farani, ui i lea fai mai le lipoti talu mai Iulai ua toe faamaamulu le isi kulupu tele le FLNKS ma ua lipotia foi e to’atele isi ta’ita’i ua toe aveesea mai a latou saini i le ioeina o le maliega lea o le Bougainville Accord lea la ua lē mautonu poo le ā le tulaga o iai ina ua faamavae foi ma le Palemia ia o Farani.
Puna o Faamatalaga: https://www.abc.net.au/pacific/programs/pacificbeat/new-cal-uncertainty/105865066
