O le tagata faatauoloa na fasiotia i Aukilani e faapea na ia tuliloaina le gaoi a o lei faamanualia ma mulimuli ai maliu.
O nisi nei o faamatalaga faaopoopo mai leoleo a o faasolo ai pea suesuega o le faatauoloa i Sandringham lea ua ma’umau lona soifua.
Pe a ma le 100 mita mai le faleoloa lea na toe tuli mai ai e lē ua maliu le gaoi ma i ata a le CCTV o loo maua ai o inā na fefinaua’i ai ma le gaoi ma iu ai ina tatui (tulou).ddddd
Na maua le malosi o le faatauoloa e toe savali ai i le faleoloa ma valaau mo se fesoasoani.
Ua faalauiloa foi e leoleo ata o le gaoi na mafai ona maua mai meapueata a le CCTV ma ua valaau mai i aiga o loo nonofo latalata i lea nofoaga ma o loo iai a latou meapueata e fesoasoani atu i sailiiliga a o sailia ai pea le gaoi.
