Ua ave le tusi a le taitaifono ma le komiti o tuugavaa i le komiti tele o polokalame o le 60 tausaga o le tutoatasi, o le a logo iai le tulaga o le fono muamua na taloina ma kapeteni o ni sa e fia auai i faigamea i le tai e taualuga ai polokalame o le 60 tausaga.
O le a faailoa i le komiti tele e na o le 3 lava fautasi ua faailoa atu le fia auai, leai ni vaaalo, o tulula ma paopao.
Ua faaalia e le taitaifono o le komiti le Komesina o leoleo, ua talosaga atu kapeteni o fautasi ia e tolu, pe alagatatau loa ona faaauau pea le tuuga auā na o latou lava o loo iai lea faamoemoe.
O isi fautasi e iai le tallitonuga o le taitaifono pe masalo ua iai ni faaletonu, fua ina lē paau atu kapeteni i le fono sa taloina i le faaiuga o le vaiaso na tea nei.
O le fuafuaga sa iai e faia lea polokalame i le masina fou o Mati, ae ua faaalia e le taitaifono o le isi lea talosaga i le komiti tele e taitaifono ai le Palemia, pe toe tuu atu le tuuga i le masina o Me lea e faaiu ai polokalame o le 60 tausaga o le tutoatasi.
Pe a tonu e oo atu iai, ua iai ni fautasi faaopoopo, faapea ni tulula, o vaaalo ma paopao. O loo tālia se finagalo o le komiti tele i ia vaega ua faailoa e le taitaifono o le komiti o tuugavaa.
