O faamatalaga a tuaoi o si aiga na mu lo latou fale i le itu i Sisifo o Melepone, ua ta’ua ai na o latou taumafai e logo tagata sa i totonu o le fale na mu lea ua lipotia e to’atasi se tamaitai ua maliu ai.
O loo faagasolo nei le su’esu’ega a leoleo i le faalavelave lea i Truganinna na valaau ane ai latou i le te’a o le 2 i le vaveao.
O faamatalaga mai le fuimu le Fire Rescue Victoria ua ta’ua ai e taunuu atu ua sasao malosi le afi i le fale lea fogafale 3 ae to’alua tagata o loo tau sa’ilia.
Fai mai na ulufale fuimu i le nofoaga na mu e su’e tagata e aumau ai i le fale peitai o le malosi o le afi na faamalosia ai le toe oese vave.
Ua faamaonia e leoleo mai Vitoria e to’atasi le tamaitai ua maliu o loo faatalia faamaoniga o sia tagata.
E silia ma le 2 itula o tau tapē le afi ma ua faaleagaina le tele o vaega o le fale.
O loo faatalia se lipoti i le mafua’aga o le afi.
O le vaveao analeila na tupu ai lea faalavelave.
Puna o Faamatalaga: https://www.abc.net.au/news/2025-01-16/truganina-fatal-house-fire-woman-dead/104823204
