Sa faia asiasiga ma tuuina atu lapataiga i ē sa faagaioia le fale gaosioloa i Melepone lea na aafia i se afi tele i le aso ananafi i le itu i Sisifo o Melepone.
O le faamatalaga lea mai le vaega e nafa ma le vaavaaia o le siosiomaga i totonu o Vitoria le EPA.
E silia ma le 180 fuimu na galulue i le tau tapēina o le afi ananafi lea fai mai leoleo o se tasi lea o afi tele ua sasao ane i le setete.
Poo le ta o le 11 i le taeao ananafi na valaau ane ai se fesoasoani ina ua faalogoina le pa’ō leotele mai totonu o le fale gaosioloa ma amata sasao ane ai loa ma le afi.
Ta’ua i lipoti a le ABC e talitonuina o le nofoaga lava lea e tasi na sasao ane ai le afi sa iai le ACB Group factory na maliu ai se tagata faigaluega i le tausaga talu ai.
O loo faaauau le suesuega i le mafuaaga o le afi na sasao ane ananafi ae ta’ua e le EPA e foliga sa utagia e le kamupani lapataiga sa tuuina iai ae o le a auiliili le suesuega e galulue faatasi ai ma le Worksafe.
Puna o Faamatalaga: https://www.abc.net.au/news/2024-07-11/melbourne-derrimut-factory-fire-smoke-health-concerns/104083616
