E lē o iloa le mafuaaga o le pupusa ane o le asu mai se tasi o afi o le vaalele a le Ea Niu Sila ananafi.
O le faigāmalaga lenei a le NZ5366 sau mai Kalaiesetete na taunuu i Ueligitone i le te’a o le 4 i le afiafi ananafi, ma i faamaoniga mai le tineimu o lea na mu se tasi o afi o le vaalele.
O le taunuu manuia ai i le auala o vaalele poo le runway i Ueligitone e lei tau faatali i ni sitepu e aveesea mai ai le pasese faapea le aufaigaluega.
Na aafia ai ma faigāmalaga taunuu atu ma tuuvaa ese mai Ueligitone ona o lea na tapunia ai i lea taimi.
E faafetaia o lea o loo saogalemu uma le pasese faapea le aufaigaluega ma o lea ua aveesea mai le vaalele mai le auala o vaalele na paka ma amata faasolo su’esu’ega a komisi ma pulega o loo vaaia auaunaga nei.
Puna o Faamatalaga: Watch: Plane evacuated at Wellington Airport due to engine fire (1news.co.nz)
