Ua motusia le sapalai o laupapa fau fale sau mai le Carter Holt Harvery mo le Mitre 10, Bunnings ma le ITM

O se faaiuga ua faia ona o le faatupulaia o le fale fausia I le maketi, ma ua faamautinoa foi e le Mitre 10, Bunnings ma le ITM o lea ua faaoo atu lea tala faanoanoa

O se faaiuga e talitonu ai pulega o nei fale tetele o le a aafia ai le toatele, e le gata I le au kamuta, o a latou galuega faakonekarate, aufaigaluega ae faapea le aotelega o le maketi o fale I Niu Sila

Tala a le 1News ua faateia ai le toatele I lea faaiuga, aemaise o le Carter Holt Harvey o le sapalai autu lea o laupapa faufale I le maketi

O lea e le I mamao atu na faasalalau mai ai taiala a le malo o loo silasila ai I le siitia o le fuainumera o fale fau I totonu o le atunuu, ma ua faatalosaga ai e nisi le fesoasoani a le malo

Ao aafia ai le Bunnings, Mitre10 ma le ITM I le faaiuga ua faailoa mai ripoti a le Herald e le o motusia le sapalai a le Carter Holt Harvey I ana paaga tetele e iai le Placemakers ma le Carter Building Supplies