Atonu e lei amata lelei foi le vaiaso faigaluega mo nisi i Sini nei aemaise i latou e faaaogaina auala o femalagaa’iga lautele ina ua motusia le eletise ma faatuai ai le tele o faigamalaga i se taimi e lei mmao atu ma nisi sa poloka ai i totonu o trains ia ua leai se isi e faafoeina ae ua na o le komepiuta e faaaoga ai.
O i latou sa faimalaga i le train lea i Norwest Station fai mai e silia ma le itula na nonofo pogisa ai i totonu o le nofoaafi ona o le motusia o le eletise.
Fai mai se sooupu mai le NSW Transport Management o se faaletonu o le eletise i le pitonuu o Kellyville i Sini lava na mafua ai lea faaletonu.
O le molimau a nisi sa manatu ua amata mai le tausaga fou ma ni suiga lelei ma nisi o auaunaga e faaleleia atili ai le auaunaga peitai o lea foi ua amata i le pogisa o feoaiga i trains i lenei vaiaso.
O le taimi nei ua toe faagasolo malaga e pei ona masani ai.
