E moomia e Jacinda Ardern le iai o ni leoleo e leoleoina o ia e tusa lava pe ua uma le taimi sa avea ai o ia ma Palemia o Niu Sila.
O manatu nei o tagata suesue faapitoa e le gata i le itu tau puipuiga ae o le faapolokiki ma o le toatele o loo mafuli lea i le tele ma le ogaoga o osofaiga sa osofaia ai Jacinda a o fealuai i ona tiute faapalemia.
I suesuega ua lipotia e le Herald ua maua ai faiga taufaamatau e aofia ai le faamalosi i ni faiga matagā, fasioti, o ata faatusa o le tiapolo, faatusatusa o ia o Adolf Hitler ma le tele o feau tusitusia.
E tusa ma le toavalu tagata ua molia ona o faiga taufaamatau e fasioti le Palemia i taimi o lana paeaiga.
Na maua ai foi e talafou e oo mai lava i le taimi na sau ai le lauga faamavae a Jacinda, o le mea lava e tasi e pei ona salalau i luga o le social media.
Ae mo Jacinda Ardern, o le asō le taimi mulimuli o le a tulai ai i nofoaga faitele i Ratana Park o ia o le Palemia o Niu Sila.
