O loo moomia nisi tagata e fia foai o latou toto.
O le talosaga mai lea a le New Zealand Blood Service ma le manaoga ina ia mafai ai pea ona faaauau la latou auaunaga.
E 117,000 tagata o loo lesitala e mafai ona foaia o latou toto ma o loo mafai ona fesoasoani i le faasaoina o soifua o le oo atu i le 30,000 tagata i tausaga taitasi.
I se faamatalaga mai le pulega, a o faaopoopo pea le aofai o tagata ma agai foi i luma le matutua o soifua, o le tele foi lea o le manaomia o paina toto.
Ua sau ai lenei talosaga a o faamanatu ai e Niu Sila i le vaiaso nei mo le uluai taimi, lana National Blood Donor Week.
E 40,000 nisi tagata Niu Sila o loo moomia e le New Zealand Blood Service.
