Ua tāpā e leoleo le fesoasoani a tagata lautele e tusa ma le mataupu ua maliu ai le tamaitiiti i Aukilani.
O le Aso Gafua pe tusa o le 1 i le vaveao lea na oo atu ai le tamā ma le tamaitiiti ua maliu i le ofisa o leoleo i Manukau, ma a o leai ai se isi tagata ese o su’e e leoleo, e pau le talosaga ua aumai o ni molimau.
O molimau o loo sa’ili o nisi sa i Waiouru Road i Highbrook ma East Tamaki i le va o le ‘afa o le 8 ma le itula e 1 i le vaveao o le Aso Sa faato’ā uma atu.
O loo moomia foi e leoleo nisi na vaaia le Nissan Bluebird lanu moana i totonu o taimi ua ta’ua.
O loo taofia pea i lalo o le vaavaaaiga a leoleo le tamā 37 tausaga le matua, e tālia ai lona toe tula’i i luma o le Faamasinoga Maualuga i Aukilani i le aso 5 o le masina fou i moliaga o le fasioti tagata.
Puna o Faamatalaga: Police appeal as they investigate alleged murder of child in Auckland
