O le a tapa e Ausetalia siaki o le Koviti mo pasese uma e taunuu mai Saina.
O le faasilasilaga lea ananafi mai le minisita o le soifua maloloina a Ausetalia ma o siaki nei e tatau ona negative e faia i totonu o le 48 itula a o lei malaga.
Saunoa le minisita o se faaiuga ua faia e Ausetalia ona e lē o tele se faamatalaga o faailoa mai e Saina i le lalolagi e tusa ma ona tagata aafia, ma ua faia ai e Ausetalia mo lona saogalemu.
O pasese o loo aofia ai e le gata o i latou o loo faimalaga mai le motu autu o Saina ae faapea Hong Kong ma Macau ma e amata aloaia mai le aso 5 o Ianuari, poo le Aso Tofi nei.
O lona uiga ua tutusa ai nei Ausetalia, Amerika, Italia, Iapani, Initia ma Taiwan.
Mo Niu Sila, e le o iai se isi suiga i le taimi nei.
