E to’a 10 tagata e aofia ai ma tamaiti e to’alua ua maliliu i le faalavelave i Montenegro.

Fai mai o se vevesi na tupu i se pa i Montenegro, fai mai leoleo e le’i maua le tagata na mafua ai le vevesi ae ua iloa o ia o Aco Martinovic e 45 tausaga le matua, na ia fasiotia le pule o le pa ma si ana fanau ma sui o lona aiga.

Fai mai leoleo o le taimi nei o loo taula’i i le sailia o lea tagata ma ua faaaogā foi leoleo faapitoa ma ua poloka uma auala e aga’i ese mai ma le nofoaga na tupu ai le faalavelave.

Ua faamatalaina o se tagata mata’utia o loo sa’ilia ma e tulaga ese faamatalaga ua alia’e o le fasiotia o ē ua aafia.

O le nofoaga lea o Montenegro pe 62,000 tagata e aumau ai ma e iloa tele i tulaga tau fana ma e to’atele tagata e umia a’upega.

Fai mai leoleo o se faalavelave uigaese foi lenei ma o loo su’e pea lē na faatupuina.

O loo faamauina o Montenegro e i gataifale o le Atu Metitirani ma e i totonu o Europa i Saute.

Puna o Faamatalaga: https://www.9news.com.au/world/montenegro-shooting-ten-people-including-two-children-killed-in-rampage/f371cfd6-23e1-43d3-b246-c1cbe7866b0b