Ua molimauina i le tele o ata ma faasalalauga le mata’utia o le loulouā o le tau i le tele o faaitu o Niu Sila; e pei ona iai timuga mamafa ma matagi e oo atu le 30 kilomita i le itula le malolosi, ma le tele o itu ua motusia faafuase’i ai le eletise.
I nisi o lipoti mai le taeao analeila, e silia i le 5000 fale i le itu o le North Island lava ia ua leai se eletise, ae ua tele itu o le South Island ua tapunia talu ai le maseesee tele ma laau pa’u’ū i luga o auala ua lē mafai ai ona uia ia auala.
Ona o le lolouā o foliga o le tau, o lea ua faailoa e le Ofisa o le Vaaitau le tuuina mai ai o faailoilo i tulaga o loo iai le atunuu.
O le faailoilo lanu moli (orange warnings) – o lona uiga e tatau i tagata lautele o faaitu e aofia ai Grey, Tasman, Tararua ina ia mata’itūina lelei o latou si’osi’omaga ma ia mātaala i ni vaega e ono tula’i mai i taimi o le loulouā tele o le tau.
O le malolosi tele o matagi, ua maitauina le lē saogalemu le feoa’i ai o taavale i luga o auala.
Ua māua foi le mafuli o se loli i luga o le auala State Highway 2 i Wairarapa.
Ua faailo e sui o le vaaitau, o loo maitauina le ono vaaia o le toe lelei o foliga o le tau i le faai’uga o le vaiaso – fetaui lelei ma fuafuaga o le aso mālōlō o loo loma nei – o le Labour Day Long weekend.
Ae ua fautuaina avetaavale uma, aemaise i latou e iai taavale e ta’ua o high-sided vehicles e ave ma le faaeteete o latou sa.
Puna o Faamatalaga: https://www.nzherald.co.nz/nz/metservice-warns-of-heavy-rain-and-gales-as-spring-weather-turns-wild/
