Ua faasolo nei su’esu’ega a leoleo i le maliu o se tama’ita’i na maua lona tino i se fale i le faaitu o le Arthur Street in Pahiatua, lata ane lava i le kolisi maualuga o Tararua College, i le aoauli o le Aso Lulu.
Ta’ua e Detective Senior Sergeant David Thompson na maua e leoleo le tino o le tama’ita’i poo le toe 20 minute i le itula e 5, ma o lea na amata ai le pitolaau a le vaega o su’su’ega faapitoa – le forensics ma aga’i e fesiligia tuaoi e tusa ai ma lea matāupu.
Ua faamanino e le auaunaga e lē o iai se vaega e ono faapopoleina ai le mamalu lautele, ua ua faailo o le a vaaia le aga’i atu pea o le auaunaga mo le faatautaia ai o le galuega i aso o i luma atu.
Faamaonia foi e le Ulua’oga o le kolisi o Tararua Iain Anderson, e ui ina lalata atu i nofoaga ma leoleo ua faa’au’upegaina i le latou a’oga, e le’i faapea ona faalavelaveina ai le faaauauina o a’oa’oga a le fanau, ma na saogalemu pea lo latou lotoā.
Faaopoopo Anderson, sa mafai lava ona fetuuna’i polokalame uma ma le tulaga o le oo atu ai o mātua e piki a latou fanau.
Ua faamauina le sa’ilia ai e leoleo o le taavale a lē ua maliu, e faapea o le taavale ituaiga o le Mitsubishi ASX VRX station wagon laisene (QGU91) ma ua talosagaina le lautele ina ia faafesoota’i vave le ofisa pe a vaaia lea taavale.
Puna o Faamatalaga: https://www.rnz.co.nz/news/political/575850/first-wellington-charter-school-set-to-open
