E toalua tamaitai ua molia i le fasioti tagata paivalea i le uma ai o le ola o se pepe i se fale i le itu i matu i sisifo o Coffs Harbour i Niu Sa Uelese, i nai tausaga ua tuanai atu.
Ua faailoa i lipoti a le alaata 9, na valaau faatopetope le fesoasoani muamua poo le paramedics mo se ane le fesoasoani i se fale i Karangi i le masina o Setema o le tausaga 2022 ina ua faaletonu se pepe na faafanau le fale sei tulou.
Taumafai togafitiga a paramedics i le pepe ma ave ane ai i le vaalele i le falemai peitai na uma ai lona ola mulimuli ane.
O le aso 11 o Fepuari o le tausaga nei na taofia ai e leoleo se tamaitai 41 tausaga ma leisi e 51 tausaga le matua ma molia uma ai i le fasioti tagata paivalea.
Na toe tatala i tua i laua nei ma o le aso ananafi na tutulai ai i le faamasinoga ma ua faailoa i lipoti a leoleo e fetauaina o le tamaitai lea e 41 tausaga o se faatosaga ae lei resitalaina ae leai foi ni tomai faafomai o leisi lea e 51 tausaga peitai sa o la faatino le faafanauina o le alualutoto i le fale. O loo tālia nei se iuga o lo la faamasinoga.
Puna o Faamatalaga: https://www.9news.com.au/national/two-women-charged-manslaughter-after-home-birth-near-coffs-harbour-nsw/c0c5de0d-3514-4322-908e-3c9901bbb344
