E toafā talavou ua molia i le fasioti tagata i le faalavelave na manunu’a ai se auso tama i Sini i le Aso Faraile talu ai.
O le isi talavou e atoa iai le toalima e 16 tausaga pei ona lipotia e le ABC, ua molia foi i lona auai ai i le mataupu lea ma e tulai i le faamasinoga i Paramatta i le aso faatasi ai ma isi talavou e toalua tai 15 tausaga.
O le faalavelave na tupu lata mai i se aoga i Power St i Doonside i le aoauli o le Aso Faraile talu ai i le mae’a o se fusuaga i luga o se pasi e pei ona ta’ua e leoleo.
E toalua talavou e 18 ma le 19 tausaga na ave ane i le ofisa o leoleo i Blacktown ma togafitia ai e paramedics peitai fai mai lipoti na maliu ai lava mulimuli ane le 18 tausaga lea i fafo ane o le ofisa.
O le 19 tausaga na avatu i le falemai i Westmead ma togafiti ai.
Puna o Faamatalaga: https://www.abc.net.au/news/2024-04-17/nsw-teenagers-charged-doonside-stabbing-sydney-west/103733076
