Ua molia nei se tama’itai 35 tausaga i le fasioti tagata ma le loto iia (murder) i le maliu ai o se tagata, o se faalavelave tau taavale i luga o le State Highway 2 i le faaitu o le Bay of Plenty.
O lenei mataupu sa tulai mai i Matatā i le Aso Toonai o le vaiaso talu ai. Ma ua māua i ripoti o loo fesoasoani lē ua aafia i le tulafono i leoleo i a latou su’esu’ega.
E tusa ai ma lea faalavelave, na valaau ane fesoasoani muamua- le emergency services i le faaitu poo le maga fā o le auala i Flax ma Matatā poo le toe 10 minute i le itula e 4 i le afiafi ina ua lipotia atu le lavevea ai o ni tagata se to’alua, talu ai se isi tagata ao ia faafoeina se taavale. Māua na oso ese le taavale mai luga le auala ma lavevea ai.
E toatasi na maliu lava i le nofoaga na tulai ai lea faalavelave, ao le isi na avatu faatopetope i le falema’i ma i lipoti e lē o i se tulaga tigāina.
O le Aso Gafua o lenei vaiaso e tulai ai i luma o le faamasinoga faaitumalo i Whatakatāne le tamaita’i e tali i ona moliaga o le fasioti tagata ma le loto iai, ma le moliaga o le faamoemoe e faaoo ni manuaga ogaoga i le tino (wounding with intent to cause grievous bodily harm)
O loo fa’auau pea su’esu’ega a leoleo i lenei mataupu.
Puna o Faamatalaga: https://www.rnz.co.nz/news/national/574424/woman-charged-with-murder-over-death-of-person-on-sh2
