Ua molia se tamaitai i le mae’a o le maua o se tinomaliu o se alii i totonu o se taavale i Aukilani i Saute i le po anapo.

Fai mai le One News na valaau ane leoleo i Hobart Crescent i Wattle Downs i le po anapo poo le tea o le ‘afa o le 10 i le vaega na maua atu ai le tinomaliu lea i le taavale. 

Na pueina e leoleo le tamaitai e 41 tausaga e pei ona faailoa i le pepa o faamatalaga mai leoleo, ma ua molia nei o ia i le fasioti tagata faamoemoeina ma o le asō sa tatau ona tulai ai i le faamasinoga faaitumalo i Manukau. 

Na faailoa e nisi o molimau i le lipoti lea, na o latou faalogoina se pao leotele poo le ‘afa o le 9 i le po anapo, ma fai mai leoleo e le o iai se isi o toe sailia i lenei mataupu ae o loo faaauau pea suesuega.