A itiiti mai e silia i le valusefulu afe tala se tupe ua toesea a le faletupe o le ANZ i Apia i se gaioiga solitulafono ua molia ai se tamaitai faigaluega o lea faletupe e 38 tausaga lona matua.
Faaalia e le sui Komesina le susuga Papalii Monalisa Tia’i Keti, o le vaiaso na tea nei na faaulu atu ai se tagi a le faletupe i leoleo ma faia ai loa suesuega.
E lē o faailoaina e le sui komesina le auiliiliga o le solitulafono ona o loo faaauau pea suesuega i le taimi nei.
Peitai o lea ua faatulaga o le aso 12 o le masina fou o Tesema e tulai ai i le faamasinoga mo le valaauga muamua o ona moliaga.
