O le a tulai i le faamasinoga se alii ona o le faalavelave ua manunu’a tigaina ai ni tagata se toalua na agai ane i uila i le Northern Beaches i le taeao ananafi.
Fai mai poo le te’a laititi o le 6 na tupu ai le faalavelave ua feto’ai ai se taavale ma uila ia i Forest Way i Belrose.
O le isi tagata na aafia e 47 tausaga o Nick Sky na sii ane i le falema’i e le vaalele helicopter ma e tigaina ma ua faia taotoga fai mai e aafia ai le fai’ai tulou.
O le isi e 56 tausaga o Michael Collings o loo i le falemai foi i se tulaga tigaina.
O le avetaavale e 24 tausaga e lei iai ni ona manu’aga mai le faalavelave ae ua molia i le avetaavale faatamala ua mafua ai manu’aga tuga ma isi moliaga e faatatau i le faafoeina o le taavale ma ua tatala i tua e tālia ai le isi aso i le faamasinoga, le aso 24 o Iulai.
Puna o Faamatalaga: https://www.9news.com.au/national/man-charged-after-two-cyclists-injured-sydney-north-shore/689c3b35-17d3-4560-9acb-5d4fa5525d9d
