E 47 tausaga o se ali’i ua molia e leoleo i le tulafono, i se mataupu na umi lava ona fefālõ ai i se tasi o nofoaga i Flat Bush i le Aso Gafua o lenei vaiaso.
E pei ona aafia mai ai se malu malo i se a’uupega mata’utia; na fana ao agai atu e faatino ana galuega iloilo.
I ripoti mai le NZ Herald na faamauina ai poo le ‘afa o le itula e 9 na tupu ai lenei mataupu, ma e ta’ua e lei manuia le taumafai atu o leoleo na tali atu i le mataupu ma lē ua molia; o lea na ala ai loa ona tali atu le vaega o leoleo ua faaa’uupegaina (Armed Offenders Squad officers) poo le itula e 1 i le aoauli.
Na ulufale i latou nei i le nofoaga poo le fale na iai lē ua molia, pu’e faapagota ma taofia loa e leoleo. Faamanino o lea foi na taofia ai ma se fana i lona ituaiga o le air rifle. E fai sina tele o moliaga ua faailoa mai oo molia ailea tagata, e aofia ai lona faaaogaina o se fana i se malu o le malo ma lona solia o aiaiga o le tatala ai o ia i tua.
E le’i iai i se tulaga e lamatia ai le ola o le ali’i leoleo peita’i e na o ni manu’aga mitimiti. Faaalia o lea lava na togafitia ma toe te’a lava o ia i tusa o lea lava aso na tupu ai le faalavelave.
Sa faamauina le tapunia ai o aoga i lea faaitu faapea le auala, ma le tatala ao taumafai ai e fo’ia lenei faafitauli.
Puna o Faamatalaga: https://www.nzherald.co.nz/nz/auckland/man-charged-after-three-hour-police-standoff-at-property-in-flat-bush/RSFNWTL5FBCOFNSCETNORYIWWE/
