E 32 tausaga o se alii ua molia e leoleo i le fasioti tagata ina ua maua atu se isi alii ua maliu i le itu i Saute i Sisifo o Sini.

O le fesoasoani faavavave sa valaau ane i se unit i Richmond Ave i Auburn i le te’a laitiiti o le ‘afa o le 7 i le afiafi ananafi ae i le mae’a lea ona maua o nisi faamatalaga e foliga o se vevesi a se aiga.

Fai mai na maua atu e leoleo lē ua maliu e iai manu’aga i lona ulu ma pe ā ma le 50 tausaga le matua, sa togafitia i lea nofoaga peitai na maliu ai lava.

Na pu’e ai loa e leoleo le 32 tausaga lea ma avatu i le ofisa o leoleo ma faia ai lona moliaga.

Fai mai leoleo e masani i laua e toalua o loo aofia i lenei mataupu ma o le asō e tulai ai le 32 tausaga lea i le faamasinoga.

Puna o Faamatalaga: https://www.9news.com.au/national/eraring-power-station-nsw-government-to-delay-closes-of-origin-station-near-newcastle/8e741b81-13d3-4aa3-b547-58ca4c6696b3