E le o utuva pea le faailoa e leoleo o solitulafono sa tulai mai i taimi o aso malolo o le Kerisimasi ma le Tausaga Fou ua mae’a, e pei o se faalavelave i Lotofagā Safata ua maliu ai se tamā 47 tausaga le matua.

Ua molia ai se alii talavou 21 tausaga i le solitulafono o le fasioti tagata faamoemoeina.

O lē ua molia ma lē ua maliu sa auai i se inuga ma tulai mai ai se feseesea’iga na iu i se gaioiga a lē ua nofo taofia nei i le vaaiga a leoleo ua fano ai le soifua o lē ua fano le soifua.

Ua faaopoopo lea solitulafono i isi mataupu e fā tau fasioti tagata faamoemoeina sa tulai mai a o lumanai le Kerisimasi o le 2022 ma taimi o aso fiafia o le Kerisimasi.

O i latou ua molia o loo nofo taofia uma e faatali ai le Aso Gafua aso 30 o Ianuari e valaau ai o latou moliaga i le faamasinoga sili a le atunuu.