E 36 tausaga le matua o le tina ua molia i le fasioti tagata ona o le maliu o se tasi o tina Aukilani i Saute.
O le vaveao o le Aso Toonai talu ai na taunuu ai leoleo i le fale i Lakewood Court i Counties Manukau ma e faapea e taunuu atu ua uma le soifua o le ua maliu.
O lea lava foi sa iai ma le tina ua molia nei i lea lava nofoaga.
O le aso e tulai ai i luma o le faamasinoga faaitumalo i Manukau e tusa ma tala mai le sooupu a leoleo.
E leai se isi tala tele o le maliu o lea tina, pau o lea o loo tatala mai e leoleo le avanoa i soo se tasi e silafia nisi faamatalaga e faatatau i lenei mataupu e fesootai atu i le ofisa.
