O Fepuari o le tausaga fou e tula’i ai i le faamasinoga o tupulaga talavou le Youth Court i Mulinuu le tamaititi 13 tausaga le matua ua molia e leoleo i le solitulafono o le susunu o vaa fagota e tolu sa taula i le uafu i Salelologa.
Ua faailoa e le Komesina o le matagaluega o leoleo, falepuipui ma le toe fuata’ina le taunuuga o su’esu’ega i se lipoti a le Samoa Observer, ma ia faailoa ai o Fepuari o le tausaga 2025 e valaau ai le moliaga o lea alii talavou.
E 11 vaa fagota sa avatu mai le uafu i Apia ma taula i le uafu i Salelologa se’i mae’a le Fono a Malo o le Taupulega, ona sa taula le meli tele sa nonofo ai tagata o le fono i le uafu tele i Apia.
O lea ua faasalalau le faatau ese atu o ia vaa e le pulega o uafu ma taulaga i nisi o iai se mana’oga tau pisinisi e faagaioia ia vaa fagota.
