Ua molia nei le alii lea ua tuuaia i le faaleagaina o le tele o faleoloa ma faamalama o taavale i le Northern Beaches i Sini i le po o le Aso Sa na tea nei.
Ua lipotia o Manly ma Allambie Heights na faatino ai lana gaioiga lea mo le silia ma le itula ae valaau ane ai leoleo i le ta o le lima i le vaveao.
O loo maua lelei i ata a le CCTV le alii lea ma lana samala o faaleaga ai se vaega o se kapaka ma ia togi se maa i le faamalama o le Manly Wharf Hotel ma ia faaleaga display o faleoloa.
Na faasolo ane ai i isi magaala lata ane ma faaauau pea ona faaleaga faleoloa o loo iai aemaise i masini ATM.
Pe ā ma le 30 faamalama o taavale na faaleagaina faapea foi ma pisinisi.
Ua faamaonia mai e leoleo o se alii e 39 tausaga mai Frenchs Forest lea ua molia ma e lei taliaina le talosaga e tatala ai i tua a o le aso ananafi na faatulaga e tulai ai i le faamasinoga faalotoifale i Manly.
O loo faaauau suesuega pe aisea ua ia faatino ai lea gaioiga.
