Ua iai moliaga ua faia e leoleo I le tamaitai lea o loo tuuaia I le aveina sao ane o lana taavale i nisi tagata savavali ise kapaka I Aukilani, Faailoa i faasalalauga mai le herald ole tamaitai e 34 tausaga le matua o loo faasa ona faailoaina le suafa ua molia nei I isi moliaga e tolu tau avetaavale.
O loo lipotia foi le feagai ma moliaga o le solia o aiaiga faatatau I se poloaiga tau puipuiga faasaga ia te ia. O nisi lipoti o loo taua ai sa iai faatasi lea tamaitai ma lana tama teine I le taavale ile taimi na tupu ai le faalavelave.
O le kapaka ale Manukau Westffield na tupu ai le faalavelave I le aoauli o le aso sa na tea nei. Ua fuafua e tulai lea tamaitai I luma o le faamasinoga faaitumalo I Manukau I le aso lea e le taumate o le a talosaga ai lana loia mo se avanoa e tatala ai I tua. Ua lipotia mai e toafa tagata na aveina atu I le falemai ile maea o le faalavelave lea ,o le toatasi e manua tigaina ma o loo ise tulaga tuga aeo isi e tigaina foi manuaga.
