O se tina e 62 tausaga lea ua molia nei i le fasioti tagata faamoemoeina ma le susunuina o se fale e iai sona sootaga i le fitafita mai Gisborne lea na maliu i le fale na mu i le 2013.
Faailoa mai e leoleo sa feagai ma le mataupu lea na o latou pueina le 62 tausaga lea i le aso ananafi ona o le masalomia i lenei faalavelave ma le maliu ai o Ronald Russell Allison lea ua fuafua e tulai i le faamasinoga i Hamilton e ui o le faalavelave na tupu i le 9 tausaga talu ai.
O le ua maliu sa nofo na o ia i lona fale ma o le masina lenei i le 2020 na folafola ai e leoleo se taui e 100 afe mo se tasi e ono maua ane ai se fesoasoani i lea mataupu ma ua faailoa foi e leoleo o le pueina o le tina ua molia i le aso ananafi o se iuga lea o se suesuega fita sa feagai ma le ausuesue.
