E 23 tausaga o se alii ua molia nei i le fasioti tagata faamoemoeina ina ua fasiotia se isi foi alii ma le isi toalua o loo manunua tigaina i se faalavelave na tulai mai i Perth.
O loo lipotia o le vaiaso lenei i le taeao o le Aso Lua na tupu ai se vevesi i le va o alii nei fai mai e masani uma.
O faamatalaga a leoleo suesue ua faailoa ai o le isi alii pe ā ma le 40 tausaga le matua sa aveina atu i le falemai e ana uo e toalua ia ua tui e le tagata tulou i se fale mai lea lava faaitu.
Fai mai ina ua toe foi mai le toalua lea i le fale o loo feta’ua’ina na o la maua ai le tinomaliu o se tasi foi alii e 53 tausaga le matua o ia lea e aumau ai i lea fale.
Na maua e leoleo se isi foi tagata pe ā ma le 60 tausaga i se isi foi fale i Royal Street ma e tigaina foi ona manua.
O lē o loo tuuaia na tulai i le faamasinoga i Perth i le asō.
