O le ‘afa o le fitu anapo na maua ai e leoleo lipoti e iai le tagata i se tasi o faletalimalo i Aukilani ua faamanu’alia tigaina, ma o lea na maliu ai lava i lea nofoaga.
O le Off Broadway Motel i Epsom lea na faanatinati atu iai sui o le ofisa ma ua faamaonia mai ai i lipoti a leoleo i le taeao nei o lea ua molia le alii talavou 19 tausaga i moliaga o le fasioti tagata.
O le tala a le ofisa o loo faamaonia mai ai e iloa lelei e lē ua maliu lē ua tuuaia i lenei mataupu ma e leai foi se isi ese o sailia a o faasolo pea suesuega.
O le tala a le Herald o loo faamaonia mai ai foi e nisi o molimau e toatasi le alii na vaaia ua lavatoto uma anapo, ma o ia foi lea na mulimuli fai mai leoleo o loo latou faatalanoaina e tusa ma le mea na tupu.
E tulai le alii talavou ua molia i luma o le faamasinoga i le asō, ma sa iai pea leoleo i le faletalimalo i le taeao nei mo suesuega faaauau.
O le maliu lenei anapo ua toalua iai tagata maliliu faafuasei i Aukilani i totonu o le aso e tasi.
