Ua iai le isi alii ua faaopoopo atu nei i tagata ua molia i le faalavelave na tafanaina ai se tamā ma sona atalii i totonu o le la taavale i Sini.
O Salim Hamze e 18 tausaga lona matua ma lona tamā o Toufik Hamza 64 tausaga na maliliu i le faalavelave lea i Guildford i le masina o Oketopa 2021.
Talu ai nei na pueina ai e leoleo ni alii talavou se toalua e 20 ma le 25 tausaga ma molia i le la aofia ai i lea faalavelave ma o loo iai pea nei i le faamasinoga.
O le vaiaso nei ua pue ai e leoleo ma le isi alii e 18 tausaga le matua, ma aveina atu i le ofisa o leoleo i Gosford ma faia iai suesuega.
Ua molia nei i moliaga e lua o le fasioti tagata ma le moliaga e tasi o le aofia ai i ni faiga faasolitulafono a se kulupu.
O le asō e tatau ona tulai ai i le faamasinoga o tamaiti e tali i moliaga.
