E 17 tausaga le matua o se talavou ua molia nei e leoleo ile fasioti tagata ile maea ai o se faalavelave ua maliu ai eisi foi talavou o loo fetauaina na iai se vevesi na tulai mai ise fale I le Sunshine Coast ile po anapo.
O leoleo mai Kuiniselani na o latou taua o le tamaititi 16 tausaga na o latou maua atu ma manuaga tuga ise fale I Buddina mae ui I taumafaiga a le vaega o le fesoasoani faavavave peitai e lei mafai ona laveaiina ai le ola o lea talavou ma maliu ai lava I lea nofoaga.
O le ua molia o le a tulai ile faamasinoga o tamaiti ma o loo sailia e leoleo ni molimau I lenei faalavelave atoa ai ma le sailia o meapueata a le CCTV.
O le faaitu na tupu ai le faalavelave, o Buddina, o se pitonuu tu matafaga ile ogatotonu o le Sunshine Coast I Kuiniselani ma o loo faia nei suesuega a leoleo I lea faalavelave
