E 22 tausaga ose alii ua faia iai moliaga e leoleo ona o le faalavelave ua uma ai le ola o le tamaitai sa avea ma ana paaga ma o le tina foi osi tamaititi e tolu tausaga le matua, si tamaitai lea na maua atu ua maliu mai manuaga tulaga ese I lona fale I Newcastle.
Fai mai le lipoti o le ua maliu o Mackenzie Anderson e nao le 21 tausaga le matua na maua atu e leoleo o loo manua tigaina I fafo ane o lona fale ile po o le aso faraile na tea nei. Sa taumafai iai galuega laveai peitai e lei manuia.
O se tamaititi e tolu tausaga le matua na maua I totonu o le fale o loo lava toto uma lona tino pei ona lipotia ae o loo manuia. O le ua molia fetauina sa avea ma uo a lea tamaitai ma faatoa magalo mai le palola ao lea la ua toe molia atu I le fasioti tagata.
O le aso ua fuafua e tulai ai ile faamasinoga I Newcastle.
