Ua molia e leoleo se alii mai Kuiniselani i le silia ma le 300 o moliaga ua ia faavalea ai le silia ma le 160 o tagata ma faamatau e fasioti nisi o i laua e toalua. 

O se suesuega ua 10 masina o faia a leoleo e aofia ai setete e fa i Ausetalia ua iloa ai o le alii lea e 30 tausaga le matua ua feta’ua’ina e eseese uma ID o loo ia faaaoga ma feta’ua’ina foi o loo ia umia faamaumauga o tagata ia e silia ma le 160 ae leiloa e le toatele o i latou ia sei vagana ua fesootai atu leoleo.

Ua feta’ua’ina foi lona faamatau o nisi o tagata sa fai iai ana faiga taufaavalea.

O le asō sa tatau ona tulai ai i luma o le faamasinoga i Brisbane e tali i ona mau moliaga.