Ua pue e leoleo se talavou sa ia faamatau se faatauoloa i se naifi tulou ma ia gaoia ai le pusa tupe a le faleoloa.

Valaau ane leoleo i le nofoaga lea i Panmure fai mai ua loka e le faatauoloa le talavou lea i totonu o le faleoloa, na fosi lona sau i fafo ma sola ese ai mai lea nofoaga.

Fai mai leoleo ua latou mauaina le auupega na faaaogā e le alii talavou aemaise o le tupe na aveesea mai.

Maua foi e leoleo ma le alii lea na sola ese ma o le aso ananafi na fuafua e tulai ai i le faamasinoga e molia i le gaoi.

E manatu leoleo o le vave o gaioiga na faia ma le toe maua ane o mea sa gaoia o le a fesoasoani i le toe faamautuina o le saogalemu o le komiuniti ma i latou na aafia.