E 40 tausaga o se alii ua molia e leoleo i le fasioti tagata paivalea ia Aiden Sagala lea na maliu toeitiiti tolu masina talu ai ina ua ia inumia le apa pia o loo iai le fualaau faasāina o le aisa ua faaliusuavaia e pei ona faailoa i lipoti a le Newshub i le vaiaso nei e aunoa ma sona iloa o lea tulaga.
Fai mai leoleo ua faia le moliaga i le mae’a o suesuega na faia.
Sa tulai lē ua molia i le faamasinoga faaitumalo i Aukilani ma o loo tetee i ona molliaga
Na ta’ua i le lipoti o le maliu o Aiden ua afua ai se tasi suesuega a leoleo ua faaigoaina o le Operation Lavender ma ua vaaia i le tele o le mau moliaga ua faia e faatatau i fualaau faasāina ma maua ai foi ma se uta tele o le fualaau faasāina o le aisa ma isi mai se tuatusi i Manukau.
O loo faaauau lava foi suesuega a leoleo i le mataupu lea i le fualaau faasāina ua faaliusuavai ma aumaia i le atunuu i totonu o apa pia.
