E toalua sui o le kegi a le Hells Angels lea ua molia i le faalavelave na tafanaina ai se fale i Sini i le masina talu ai.
Ua manino mai i lipoti a leoleo i le Aso Lua o le faalavelave lea sa tupu i le aso 27 o Me na tafanaina ai se fale i South Coogee i le itu i Sasae o Sini.
E leai nisi na aafia ai ae ua pueina e leoleo se alii e 41 tausaga mai Campbelltown ma ta’ua foi na maua atu ai ma se auupega o se fana i le fale lea ma se vaega tele o fualaau faasāina.
O le Aso Lulu na fuafua e tulai ai le tagata lea i le faamasinoga e tali i ona moliaga a o le isi alii e toalua ai i laua e 31 tausaga na pueina e leoleo i South Coogee lava.
O le faamatalaga a leoleo e feta’ua’ina o le toalua lea o ni sui o le Hells Angels, le kegi tietie pasika.
O loo taofia uma i laua ia ae na fuafua o le 31 tausaga tatau ona tulai i le faamasinoga i le aso ananafi.
