E te’i ane se tasi alii ina ua fafagu e leoleo o loo moe i le foeuli o lana taavale i le ogatotonu o se drive-through o se fale’aiga i Vitoria.

Lipotia mai i le asō o le alii lea e 20 tausaga sa agai atu i se ford ranger i le faleaiga i Preston e fai ai sana faatau i le taeao o le Aso Toonai na tea nei.

E ala ane o faafesagai ma leoleo ua sauni atu ma le masini e siaki ai lana mānava pe o faasuaava.

Maua lelei ai ii e leoleo e faamaonia sa taumafa ‘ava ma ave ai loa i le ofisa o leoleo na lata ane.

E 30 aso ua taofia ai lana taavale ma ua faaleaogaina ai lava iina ma lona laisene ma ua ta’ua ua fuafua leoleo e molia i le avetaavale onā.

Masalo ana onosai lava i le fale e taumafa sana iputi ma sina falaoa ailoga e maua lana solitulafono ma oo ai i lea tulaga ae faatoa amata le 2023.