O le a misia e le uigi a le All Blacks ma le Crusaders, Sevu Reece vaega atoa o totoe o le taamilosaga o lenei tausaga e aofia ai ma le Ipu o le lalolagi i Farani ona o se manuaga i lona tuli, ma ua faamaonia mai e Scott Robinson lea tulaga.
Ua 26 tausaga o Reece ma na lavea i le amataga o le masina ina ua fetaui le Crusaders ma le Blues i Eden Park lea na faia’ina ai le Blues.
Fai mai Robertson faatoa toe foi ane Reece i le 2024 ma e lagona le faanoanoa mo ia ma o se lusi tele mo le ‘au ae e tele se galuega e manaomia ona faia ia toe faafoi ai foi le alii taalo i le tulaga e masani ona iai o se tasi o uigi aupito lelei o le taaloga.
O isi tama taalo o le Crusaders o loo manunua foi i le taimi nei e aofia ai Ethan Blackadder, Sam Whitelock, David Havili, Jack Goodhue, Will Jordan ma Cullen Grace.
