O le afiafi ananafi na faatumulia ai luga o upega tafailagi i le tele o moomooga alofa ma faamaisega a le mamalu o le atunuu e molimoli atu i le aiga o le susuga Vaaelua Aloi Alesana ina ua faamanavaina e le Atua ana galuega mai luga o lenei fogaeleele.
O Vaaelua o se tasi ua iloga e le toatele i Samoa e le gata sa avea ma Taitai Malaga a le Manu Samoa 15 i tausaga ua tuanai, o se tagata e mālie ona uiga ma o le a le galo i tagata lona sao i luga o se tasi o polokalame a le TV1 Samoa ua faaigoaina o le Talanoa Lakapi.
O Aloi o se tasi o alo (grandson) a lē sa avea ma Palemia i le tele o tausaga ua mavae le afioga ia Tofilau Eti Alesana.
O Vaaelua na telē lona sao i le ‘au a le atunuu Manu Samoa 15 i le tele o tausaga ua tuanai ma e valaau le Alii ia te ia o loo galue lava i lana pisinisi ma lona aiga.
O le toatele na faaoo atu faamaisega na o latou iloa Vaaelua i le tele foi o polokalame na ave iai lana faamuamua aemaise o le itu tau soifua maloloina ma le itu tau taaloga.
