Mai Sasae Tutotonu, o le asō e atoa iai le tausaga talu le osofa’iga a le Hamas ia Isaraelu ma afua mai ai loa vesiga o loo faaauau pea i lea pito o le lalolagi e oo mai i le asō.
A itiiti mai pe to’a 26 tagata na fasiotia i osofa’iga a Isaraelu i se faletapua’i ma nisi o a’oga o loo faamautū iai tagata ua leai ni fale i le ogatotonu o Gaza.
Ua lipotia foi e le NBC sa galulue fitafita Isaraelu i le aveesea o nisi o mailei a le Hezbollah ua tuuina i āna ma isi nofoaga i Lepanona ma ua faailoa foi le osofa’ia e Isaraelu o nisi vaega i lalo o le palapala sa faamautū iai gaioiga a le Hezbollah, faalēaogāina ma le tele o a’upega na maua ai.
O le po anapo na maua lelei ai e Isaraelu se isi osofa’iga na aga’i atu mai lea ‘ea mai le itu i Sasae ae lei oo i teritori o Isaraelu.
O loo faaauau pea fetauiga ae ua lipotia o loo faatalitalia foi e Isaraelu e lē taumate e ono iai se isi osofa’iga tele e aga’i atu a le Hamas e faamanatu ai le tausaga o lana ulua’i osofa’iga lea ua atoa tonu le tausaga i le asō.
