E amata i le aso muamua o le masina fou o Aokuso seia oo i le aso mulimuli o le masina e sosoo ai o Setema, ona tatala mai e le matagaluega o leoleo, falepuipui ma le toe fuataina le avatu o laau malosi e solitulafono ona umia e se tagata faapea fana e lei lesitalaina, ae leai ni moliaga e faia.
Ua faailoa e le sui Komesina susuga Papalii Monalisa Tia’i Keti i se faasalalauga a le matagaluega i luga o fesootaiga televavave, le faia o lea polokalame o se gun amnesty ina ia faafoi atu ai e i latou o umia ni laau malosi solitulafono ia aupega, e aunoa ma le faia iai o ni moliaga.
Ua aiaia foi le maua o se meaalofa e tala fua ai oloa tau taumafa ae e lē o faailoaina pe fia le tupe o le a faaalu ai i lea meaalofa.
Pau le aiaiga o loo faailoa i le faasalalauga e faasā ona faatau ai ni tapaa na ni ava malosi.
Le sui Komesina, susuga Papalii Monalisa Tia’i Keti i le faasalalauga a le matagaluega o leoleo, falepuipui ma le toe fuata’ina.
