Ua mautinoa o le a sii rates mo tagata Aukilani.
O se tasi lea o mataupu autu o le paketi 10 tausaga na ioeina e le puleganuu a Aukilani ananafi a o talanoa ai lana Long-term Plan.
O le siitaga nei o rates e 6.8% mo le tausaga fou, 5.8% i le 2026 ma le 7.9% i le 2027.
Saunoa mai le Pulenuu Wayne Brown a uma le 2027 ona faaauau sii ai lava lea i le lē sili atu ma le 3.5% mo isi uma tausaga o loo mulimuli mai o le 10 tausaga.
O le faaiuga foi lea ua oo iai i le mae’a aoao mai o le lata i le 30,000 o finagalo faaalia na mafai ona aoina mai i totonu o le piriota lea na faia ai faatalanoaga.
I le saunoaga a le Pule Sili o le puleganuu, Phil Wilson o ni fuafuaga e faapaleni ai le tupu pea o le aai ma tupe e moomia e faatupe ai.
O le Long-term plan a le puleganuu a Aukilani e aofia ai ma le paketi ua mae’a ioeina o le a amata aloaia lona tauaofia i fuafuaga a le puleganuu i le aso 27 o le masina fou.
Puna o Faamatalaga: Rate hikes on the way as Auckland Council approves Long-term Plan | RNZ News
