A o fetalia’i kamupani vaalele ma le malaevaalele a Aukilani, ua fai mai le komisi o pisinisi ua taugata tele le tau a le malaevaalele.
O le masina o Fepuari lea na faaulu aloaia ai le talosaga a le Ea Niu Sila agai le minisita o pisinisi Andrew Bayly e faatatau i le faia o se iloiloga faavavevave i tupe soona faaalu a le malaevaalele.
E $7 i le $8 piliona fuafuaga a le malaevaalele i totonu o le isi 10 tausaga e inivesi e lē gata o le nofoaga o loo paka ma feoa’i ai taavale ae faapea le malaevaalele mo vaa feoa’i i totonu o Niu Sila.
O ni fuafuaga na tali mai ai le Ea Niu Sila ma fai mai, o lona uiga o kamupani vaalele o le a totogia ma atili taugata ai ma pasese mo tagata Kiwi.
E sau le tali o iloiloga a le komisi, e iai tupe faaalu e talafeagai, peitai e iai foi ana inivesi ua fuafua i totonu o le lima tausaga ua taugata tele.
O le sau o lea lipoti ananafi ua fai mai faatasi ai kamupani vaalele a le Ea Niu Sila, Jetstar, Air Chathams ma le Barrier Air, o loo latou talia fiafia le faai’uga.
Puna o Faamatalaga: Auckland Airport charges are too high, says Commerce Commission (1news.co.nz)
