E 1,500 faiaoga fou i totonu o le 4 tausaga lea ua fai mai le malo o le a sau i totonu o le paketi o loo faatali i le vaiaso nei.
E $53 miliona lea ua faamaonia mai e le minisita o aoga, Erica Stanford o le a faaalu i totonu o le 4 tausaga, ma e tusa lea ma le lata i le 400 faiaoga fou e aumai i totonu o le tausaga e tasi.
O lenei vaegatupe o loo sau ai le 1,200 avanoa mo le polokalame ua ta’ua o le School Onsite Training, ma e aofia ai aoga tulagalua faapea kolisi maualuluga.
O loo iai foi i totonu ma tupe e inivesi mo le faafaigaluegaina o faiaoga e saili mai atunuu mamao, aemaise o nisi o polokalame e lagolago ai aoga i taimi e faafaigaluega ai faiaoga fou faapea Study Awards e lē gata mo faiaoga o loo iai nei ae faapea i latou e toe foi mai.
Ae i le tali mai a le sooupu a le Labour i itu tau aoaoga, Jan Tinetti, o le taimi ma le toatele o faiaoga o loo fai mai le faigamalo o loo iai nei o le a faia, e tele atu ai faiaoga na aumai e le faigamalo a le Labour lea e silia ma le 1,300 i totonu o le silia laititi ma le 12 masina.
Puna o Faamatalaga: Budget 2024: Govt unveils ‘major investment’ for more teachers (1news.co.nz)
