Ua ave le faamanuiaga ma le faamalo a le Komesina ma le matāgaluega o leoleo, falepuipui ma le toe fuata’ina i le susuga i le alii leoleo satini sinia o Palasi Satau i le maualuga o le tulaga na oo iai lona taumafai, a o auai i se a’oa’oga i totonu o le fitafita o le malo o Niu Sila mo le 3 masina.
Ua faailoa e le matāgaluega i se faasalalauga i luga o lana upega tafa’ilagi o le leoleo satini sinia sa ia maua le tulaga maualuga i le mae’a o lana a’oa’oga i le tomai o le toe faaleleia o ‘au’upega e pei o laau malosi poo le armorer’s course.
O le maualuga o le tulaga na oo iai le taumafai o lea malu o le malo ua avea ai nei o ia o se leoleo ua iai ona tomai ma agavaa e faatino ai lea galuega i le auaunaga faaleoleo.
Ua momoli ai le faafetai a le matāgaluega i le fitafita o le laueleele a Niu Sila le New Zealand Army Armorers mo le lagolago sa tuuina atu i le leoleo satini sinia le susuga Palasi Satau ua faamanuiaina ai lona taumafai i lea tomai faapitoa.
