Ua lua lipoti a le matagaluega o le soifua maloloina o le ta’i fitu aso sa faamauina ai le pepesi o le faama’i i Samoa o loo tumau pea ona maualuga le pasene o le ituvai o tamaitai o loo pesia i le siama e 57 pasene faatusa i le itupa o alii e 43 pasene.
O le tausaga o le matutua o ē ua aafia o loo pito maualuga ai le numera o tupulaga mai le 25 i le 29 tausaga o le soifua lea a tuufaatasi alii ma tamaitai e 1,350. O loo maualuga ai le aofaiga lea le numera o tamaitai e 840 ae o alii i le matutua lava lea e 510.
O loo pito atu iai le matutua o tausaga mai le 30 i le 34 e 1,091 lea e 617 tamaitai ae 412 alii. O fanau mai le pepe e oo i le 4 tausaga o loo pito atu iai i le maualuga o ē ua maua i le siama o alii e 571 ae o tamaitai e 500 o lona tuuaofaiga o le matutua lea e tasi le afe ma le fitusefulu tasi.